Yangiqo‘rg‘onda yoshlar o‘rtasida sport musobaqalari o‘tkazildi
Yangiqo‘rg‘on mahallasida “Obod xonadon, obod ko‘cha, obod mahalla” mezonlari doirasida, bir qator sport tadbirlari o‘tkazilib kelinmoqda.
Xususan, bugun Yangiqo‘rg‘on mahallasida O‘zbekiston Respublikasi Prezidentining 2020-yil 30-oktabrdagi “Sog‘lom turmush tarzini keng targ‘ib etish va ommaviy sportni yanada rivojlantirish chora tadbirlari to‘g‘risida”gi PF-6099-sonli Farmoni ijrosini ta’minlash hamda 18-noyabr – O‘zbekiston Respublikasi davlat bayrog‘i qabul qilinganligining 32 yilligi munosabati bilan mahalla yoshlari o‘rtasida sportning badiiy gimnastika, mini futbol, shaxmat-shashka, stol tennisi, kurash turlaridan sport musobaqalari bo‘lib o‘tdi.