Лойиш шаҳарчасида ободонлаштириш тадбири ўтказилмоқда
Айни пайтда Оқдарё туман маркази Лойиш шаҳарчасида кенг кўламли ободонлаштириш тадбири ўтказилмоқда. Ободонлаштириш тадбири доирасида туман марказидаги барча ҳудудларда, шунингдек кўп қаватли тураржойлар атрофи ўт-ўлан, барг-хазон ва маиший чиқиндилардан тозалаш, Амир Темур шоҳ кўчасида пиёдалар ўтиш жойларига махсус чизиқлар чизиш ишлари амалга оширилмоқда.
Мазкур тадбирда туман ҳокимлиги, туман Ободонлаштириш бошқармаси ҳамда Тоза-Ҳудуд Давлат унитар корхонаси ходимлари фаол иштирок этишмоқда.
Ободонлаштириш тадбири давом этмоқда.
Оқдарё туман ҳокимлиги ахборот хизмати