Хотин-қизларга сертификатлар топширилди
Хотин-қизларнинг бандлигини таъминлаш, уларда тадбиркорлик кўникмаларини шакллантириш ва бу орқали тадбиркорликка жалб қилиш мақсадида Оқдарё туман 2-сон касб-ҳунар мактабида ташкил этилган 40 соатлик қисқа муддатли ўқув курслари давом этмоқда.
Бугун Оқдарё педагогика коллежи биносида 40 соатлик қисқа муддатли ўқув курсларини тамомлаган 160 нафар хотин-қизларга Самарқанд вилояти тадбиркорлик маркази директори С.Салимова ҳамда туман ҳокимининг хотин-қизлар масалалари бўйича маслаҳатчиси Ф.Маликова томонидан сертификатлар топширилди.
Эндиликда эса мазкур сертификатни қўлга киритган хотин-қизлар тижорат банкларидан имтиёзли равишда кредитлар олиб, ўз тадбиркорлик фаолиятини йўлга қўйиш имкониятига эга бўлишди.
Оқдарё туман ҳокимлиги ахборот хизмати