Сектор раҳбари ва хотин-қизлар учрашуви ўтказилди
Бугун Оқдарё туман 1-сектор ҳудудидаги Янгиобод маҳалласида сектор раҳбари туман ҳокими Шерзод Қудратовнинг маҳалладаги хотин-қизлар билан учрашуви бўлиб ўтди.
Хотин-қизлар муаммоларини ўрганиш ва ижобий ҳал этиш мақсадига қаратилган мазкур учрашувда сектор раҳбари томонидан бир гуруҳ хотин-қизларнинг турли масалалардаги мурожаатлари қабул қилинди. Ҳар бир мурожаат рўйхатга олиниб, ўрганиб ҳал этиш борасида тегишлилиги бўйича масъулларга бириктирилди.