Vatandoshlarni so‘z va ohang kuchi bilan birlashtira oluvchi buyuk qudrat

Bugun milliy g‘ururimiz, istiqlolimiz timsoli — O‘zbekiston Respublikasi Davlat madhiyasi qabul qilinganligining 32 yilligi nishonlanmoqda.

Xususan, Oqdaryo tumani hokimligida o‘tgan bugungi faollar yig‘ilishi ham har bir so‘zida butun O‘zbekiston ahlining asriy orzu-istaklari, g‘ayrati va shijoati, xalqimizga xos mehmondo‘stlik, ajdodlar yodi hamda millat g‘ururini mujassam etgan Davlat madhiyasini ijro etish bilan boshlandi.

Shuningdek, muhokama davomida ijro intizomi, aholi turmush darajasini oshirish, “Yangi O‘zbekiston” massivida amalga oshirilayotgan ishlari jadallashtirish, ijtimoiy soha obyektlarini barqaror energiya resurslari bilan ta’minlash, jumladan, xonalarning havo haroratini mo‘tadil saqlash kabi masalalar muhokama qilinib, zaruriy ko‘rsatmalar berildi.