Shaxmat bo‘yicha "Oqdaryo tuman hokimi kubogi" musobaqasi o‘tkazilmoqda 

Bugun Oqdaryo tuman hokimligi hamda Yoshlar ishlari agentligi tuman bo‘limi tomonidan aholi va yoshlar orasida shaxmatni yanada ommalashtirish va rivojlantirish maqsadida 7 yoshdan 70 yoshgacha bo‘lgan shaxmat ixlosmandlari ishtirokida "Oqdaryo tuman hokimi kubogi" musobaqasi o‘tkazilmoqda. Zarafshon mahallasida joylashgan 1-son ixtisoslashtirilgan maktabida o‘tkazilayotgan musobaqa Davlat Madhiyasi sadolari ostida tantanali ochildi. Ochilish marosimida tuman hokimi Sherzod Qudratov so‘zga chiqib, ishtirokchilarga omad va zafarlar tiladi.
 Ayni paytda musobaqa qizg‘in davom etmoqda. Gʻoliblar tuman hokimining qimmatbaho savg‘alari bilan taqdirlanadi.