Saxovatpesha insonlar saxovati bilan 11 nafar bolajonlarning xatna to‘ylari o‘tkazildi

Bugun tumanimizda yana bir xayrli tadbir o‘tkazildi. Tumanning Primkent, Istiqlol, Miyonqol, Avazali va Oytamg‘ali mahallalari faollarining tashabbusi hamda xorijda ishlayotgan fuqarolarining homiyligi bilan mazkur mahallalardagi kam ta’minlangan oila farzandlari bo‘lgan 11 nafar bolajonlarning xatna to‘yi nishonlandi.
To‘yga kelgan mehmonlar bolajonlarni tabriklab, dil so‘zlarini izhor etishdi. Mazkur tantanada Oqdaryo tuman hokimi hamda Xalq qabulxonasi mudiri ishtirok etib, to‘y bolalarni tabriklashdi va tashkilotchilarga minnatdorchilik bildirishdi.
To‘y bolalarga homiylarning to‘y sovg‘alari topshirildi.

Oqdaryo tuman hokimligi axborot xizmati