Rasmiy munosabat: tuman hokimi tomonidan kasalxonada sovg‘a tarqatilmagan

Viloyat hokimligi Axborot xizmatining so‘rov xatida ijtimoiy tarmoqlarda Oqdaryo tumanidagi kasalxonada bolalarga tuman hokimi arzon va sifatsiz Yangi yil sovg‘alari berganligi va bu sovg‘alarga shifokorlardan pul yig‘ildi degan mazmunda video murojaat yoritilganligi qayd etilgan.

Tuman hokimligi ushbu video murojaatda bidirilgan fikrlar asossiz ekanligini, yaqin kunlarda tuman hokimi  kasalxonaga borib, bayram sovg‘asi tarqatmaganligini ma’lum qiladi. 

Videodagi qayd etilgan sovg‘alar bo‘yicha tuman tibbiyot birlashmasining bosh shifokori Shavkat Jabborovning ma’lum qilishicha, shifokorlar tomonidan 2024-yil 27-dekabr kuni bolajonlar kayfiyatini ko‘tarish maqsadida,  homiylar tomonidan olib kelingan sovg‘alar tarqatilgan. Ushbu maqsadda navbatchi shifokorlardan yoxud boshqa tibbiyot xodimlaridan pul yig‘ilmagan.

2024-yilning 27-dekabr kuni tuman hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Charos Ortiqova tomonidan tuman tibbiyot birlashmasining Bolalar bo‘limida bemorlarga ko‘rsatilayotgan tibbiy xizmat va shart-sharoitlar yuzasidan o‘rganish olib borilgan. 

Oqdaryo tuman hokimligi axborot xizmati