Rasmiy munosabat: Ariqni qazish natijasida yuzaga kelgan noqulayliklar bartaraf etildi

Joriy yilning 17-mart sanasida “ANTIKORRUPSIYA” telegram kanalida Samarqand viloyati Oqdaryo tumanidan kelib tushgan videomurojaat e’lon qilindi.
Mazkur murojaatda fuqaro tomonidan fermer xo‘jaligi tomonidan ariqlarni tozalash jarayonida tuproqni yo‘l chetiga tashlab ketilayotganligi fuqarolarga noqulaylik tug‘dirayotganligi aytilgan.
Biroq o‘rganish jarayonida Oqdaryo tumani “Chorbog‘” MFYda joylashgan “Agro Bravo chorvasi” fermer xo‘jaligi tomonidan haqiqatdan ham ariqlarni tozalash ishlari amalga oshirilayotganligi, chiqarilgan turoq ariq muhofaza zonasiga yig‘ilib, maxsus texnikalar  yordamida ortib tashib ketilayotganligi aniqlangan.  Fuqaro vedio tasvirga olish jarayonida ham ariqlarni qazish ishlari amalga oshirilayotganligi tasvirlangan. Shuningdek, tuproq tashlangan joy tozalash ishlari amalga oshirilishidan oldin ham ariqning muhofaza hududi bo‘lganligi va asfalt yotqizilmaganligi ma’lum bo‘ldi.

Oqdaryo tuman hokimligi axborot xizmati