Oqdaryo tuman sektor rahbarlari va yoshlar uchrashuvi o‘tkazildi

Bugun Oqdaryo tuman 14-son Bolalar musiqa va san’at maktabida tuman hokimi Sherzod Qudratov hamda sektor rahbarlari bilan yoshlar uchrashuvi bo‘lib o‘tdi. 
Uchrashuvda yoshlarning muammolari yuzasidan murojaatlari eshitildi. Har bir murojaat ro‘yxatga olingan holda tegishli mutasaddilarga biriktirilib, ijrosi nazoratga olindi. Tadbir davomida bir guruh yoshlarga shaxsni, fuqarolikni tasdiqlaydigan identifikatsiya ID-kartasi va esdalik sovg‘alari topshirildi. Shuningdek, san’at yo‘nalishida tanlovlarda qatnashib, munosib o‘rinlarni egallagan musiqa maktabining bir guruh o‘quvchilariga diplom va esdalik sovg‘alari topshirildi.