OQDARYO ADABIY MUHITIDA YANGI SAHIFALAR

O‘zining buyuk tarixi, madaniyati, adabiyot va san’at darg‘alariga ega bo‘lgan Oqdaryo tumani  bugungi kunda ham viloyat hamda respublika ijod ahlini o‘ziga rom etib kelmoqda. Tuman madaniyat uyida joylashgan “Yangi ovoz” studiyasida o‘tkazilgan noyabr oyi mushoirasida Toshkentdan “Qishloq xo‘jaligi” jurnalining bosh muharriri, shoir Tohir Doliyev, "Bekajon" gazetasi va "Zarafshon" gazetasidan shoirlar A.Mustafo, T.Siddiq hamda ijodkor yoshlar, Kattaqo‘rg‘onlik shoira G.Yusupova hamda oqdaryolik ijodkorlar ishtirok etdilar. Zamonaviy qulayliklarga ega bo‘lgan ijodxonada badiiy, adabiy hujjatli filmlar, kitob mutolaasi hamda she’rxonliklar davom etdi.  
Har oyda chop etilayotgan “She’ryuraklar” ijodiy klubi oylik adabiy ma’lumotlar jamlanmasi noyabr soni ishtirokchilarga taqdim etildi.