Munosabat: Oqdaryo dehqon bozori oldini tartibga keltirish ishlari davom etmoqda

Samarqand viloyat hokimligi axborot xizmatining so‘rovida Oqdaryo tumani, Loyish shaharchasi, Amir Temur shoh ko‘chasidagi dehqon bozori hududida joylashgan avtoturargohlarda noqonuniy savdo rastalari tashkil etilgani aytilgan.

Mazkur holat yuzasidan shuni ma’lum  qilamizki, Oqdaryo tuman markazi Loyish shaharchasida joylashgan dehqon bozori ro‘parasida tartibsizliklarni bartaraf etish, fuqarolarga hamda avtotransport vositalari qatnoviga qulaylik yaratish maqsadida tegishli mas’ullar tomonidan chora-tadbirlar amalga oshirilib, hududda vaqtinchalik avtoturargoh tashkil etish va noqonuniy savdo shaxobchalarini bartaraf etish ishlari amalga oshirildi. 

Shuningdek, hozirgi vaqtda hududni tartibga keltirish, mavjud kamchiliklarni bartraf etish, piyodalar qatnovi uchun yo‘laklarni tashkil etish borasida chora-tadbirlar tizimli ravishda davom ettirilmoqda. 

Oqdaryo tuman hokimligi axborot xizmati