Hokimlik va tashkilot xodimlari uchun siyosiy-ma’rifat soati o‘tkazildi

Bugun Oqdaryo tuman hokimligida tashkilotlar rahbarlari bilan birgalikda navbatdagi siyosiy-ma’rifat soati o‘tkazildi. Dastlab, hafta davomida respublikamiz va xorijda ro‘y bergan voqea va hodisalar sharhi bilan tanishdilar.

Siyosiy-ma’rifat soatida bugungi kunning eng muhim va dolzarb mavzusi O‘zbekiston Respublikasi Prezidenti Shavkat Mirziyoyevning Oliy Majlis palatalarida joriy yilning 18-19-20-noyabr kunlari o‘tkazilgan yig‘ilishlardagi ma’ruzalari haqida ma’lumot berib o‘tildi. 

Shundan so‘ng o‘quv soati ishtirokchilariga yurtimizda olib borilayotgan islohotlar, “Yashil makon” umummilliy loyihasi doirasidagi ishlar va  davlat xizmatchilarining salomatliklarini asrashga oid ma’lumotlar havola qilindi.