“Harbiylar va yoshlar uchrashuvi” o‘tkazildi

Bugun tumanimizning Kumushkent mahallasida joylashgan 32-umumta’lim maktabida “14-yanvar – Vatan himoyachilari kuni" munosabati bilan “Harbiylar va yoshlar uchrashuvi” tadbiri o‘tkazildi. Bayramona tadbirda Oqdaryo tuman hokimi Sherzod Qudratov, tuman mudofaa bo‘limi mas’ullari, faxriy harbiylar hamda viloyatdagi 29080 Harbiy qism harbiylari ishtirok etishdi. Tadbir avvalida mehmonlar maktabda yaratilgan shart-sharoitlar bilan yaqindan tanishdilar.  Maktab kutubxonasida tashkil etilgan “Harbiy va yoshlar uchrashuvi”da tuman hokimi Sh.Qudratov, faxriy harbiy A.Egamberdiyev hamda 29080 Harbiy qismdan Jahon umumharbiy o‘yinlari g‘olibi Sh.Gʻapporovlar so‘zga chiqib, yoshlar bilan muloqotda bo‘lishdi. Muloqot davomida yoshlar o‘zlarini qiziqtirgan savollari bilan murojaat qilishdi.
Qizg‘in kechgan uchrashuv so‘ngida bir guruh faol yoshlar badiiy adabiyotlar to‘plami bilan rag‘batlantirildi.