Qishloq xo‘jaligi ekin maydonlaridan samarali foydalanishni jadallashtirish maqsadida,
“E-auksion” elektron savdo platformasida onlayn-auksion savdolarini tashkil etish bo‘yicha yangi tartib joriy qilindi

O‘zbekiston Respublikasi Prezidentining 2025-yil 28-martdagi “Qishloq xo‘jaligida yerdan foydalanish samaradorligini oshirish va mahsulot yetishtirish hajmini ko‘paytirish bo‘yicha qo‘shimcha chora-tadbirlar to‘g‘risida”gi PQ-131-son qarori qabul qilindi.

Qarorga koʻra, elektron onlayn auksionlarni o‘tkazish bo‘yicha yangi tartib-taomillar belgilab berildi. Jumladan:

• elektron onlayn auksion savdosini o‘tkazish to‘g‘risidagi xabarnomani e’lon qilish muddati 15 kundan 5 kunga, takroriy savdolarda - 5 kundan 1 kunga qisqartirildi;
• takroriy savdolarda 1 nafar ishtirokchi bo‘lganda ham savdolar o‘tgan deb hisoblanadi.
• takroriy savdolarda boshlang‘ich narxi 10 foizdan bosqichma-bosqich
  20 foizgacha pasaytiriladi.
• 2025-yil 1-apreldan boshlab barcha hududlarda qishloq xo‘jaligiga mo‘ljallangan barcha turdagi yerlarni ijaraga berish bo‘yicha o‘tkaziladigan elektron onlayn auksion savdolarida yer uchastkasiga ijara huquqini olish uchun to‘lovlarni bo‘lib-bo‘lib to‘lash va to‘lov to‘liq to‘langanda chegirma berish tartibi bekor qilindi hamda to‘lovlar 15 ish kuni ichida to‘liq to‘lanishi belgilandi.

Eslatma! agar dehqon xo‘jaligi yuritish uchun yer uchastkalarini olish bo‘yicha 2022-yil 1-yanvardan 2023-yil 15-aprelga qadar o‘tkazilgan ochiq elektron tanlovlarda g‘olib bo‘lgan “Temir daftar”, “Ayollar daftari”, “Yoshlar daftari”ga kiritilgan fuqarolar va mehnat migrantlari bo‘lsa, ijara muddatiga teng taqsimlanadigan qo‘shimcha to‘lovlar miqdori ushbu yer uchastkasi normativ qiymatining bir barobariga va boshqa shaxslar uchun ushbu yer uchastkasi normativ qiymatining to‘rt barobariga teng miqdorda to’lash belgilandi.

Qaxramon Eshankulov,

“Elektron onlayn-auksionlarni tashkil etish” AJ Samarqand viloyati hududiy vakili