Dala yumushlari bo‘yicha Oqdaryo MMTPda amaliy seminar o‘tkazildi

Avval xabar berganimizdek, qishloq xo‘jaligi ishlarini olib borish, dala madaniyati, g‘alla hosildorligi bo‘yicha Oqdaryo tuman Qishloq xo‘jaligi bo‘limi, tuman Agroinspeksiya, Karantin inspeksiyasi va Irrigatsiya mutasaddilari tomonidan hududlarda amaliy seminarlar olib borilmoqda. 
Jumladan, bugun Oqdaryo MMTP hududidagi fermer xo‘jaliklari rahbarlari bilan o‘tkazilgan navbatdagi seminarda g‘alla parvarishi, dala madaniyati, ariqlarni qazish va betonlash, g‘alla maydonlariga mahalliy o‘g‘itlar chiqarish kabi amalga oshiriladigan qishki ishlar bo‘yicha fermerlarga tushuncha va tavsiyalar berildi.