Viloyat prokurori Boshdarxon mahallasida o‘rganish olib bormoqda 

Ayni paytda Samarqand viloyat prokurori M.Eshnazarov Oqdaryo tumanida bo‘lib, tuman hokimi Sh.Qudratov, tuman sektor rahbarlari hamda tegishli mas’ullar bilan birgalikda Boshdarxon mahallasi va mahalla hududida joylashgan korxonalarning obodonlashtirish holati va amalga oshirilayotgan obodonlashtirish, ko‘kalamzorlashtirish ishlari yuzasidan o‘rganish olib bormoqda. O‘rganish davomida bo‘sh turgan yerlarda yangi istiqbolli loyihalarni shakllantirish, korxonalar hududini obodonlashtirish va ko‘kalamzorlashtirish, "yashil energiya"dan foydalanishni yo‘lga qo‘yish, " yashil belbog‘ " barpo qilish, daraxt ko‘chatlari va gullarni tomchilatib sug‘orishni yo‘lga qo‘yish bo‘yicha tadbirkorlarga va mas’ullarga zaruriy ko‘rsatma va tavsiyalar berilmoqda.

Oqdaryo tuman hokimligi axborot xizmati