Zarafshon mahallasida muhim masalalar muhokama qilindi

Bugun Oqdaryo tuman hokimi Sherzod Qudratov tegishli mas’ullar ishtirokida Zarafshon mahallasida joylashgan 18-umumta’lim maktabida mahalla yettiligi hamda mahalladagi maktab rahbarlari bilan uchrashib, dolzarb masalalar yuzasidan muhokama olib bordi. Unda maktablarni obodonlashtirish holati,   ta’lim muassasalari hududida bog‘ va gulzorlar tashkil etish, ta’lim sifati va samaradorligini oshirish, qishloqlarda, ko‘chalarda obodonlashtirish ishlarini yanada kuchaytirish, devorlarni ta’mirlash, ranglash, xonadon va tomorqa madaniyatini kuchaytirish kabi masalalarda fikr-mulohazalar almashilib, mas’ullarga muhim topshiriqlar berildi.