Oqdaryo tuman soliq inspeksiyasiga yangi rahbar tayinlandi

Bugun Oqdaryo tuman hokimligida tuman hokimi Sherzod Qudratov, viloyat soliq boshqarmasi boshlig‘i Elyor Tolliyev hamda tashkilotlar rahbarlari ishtirokida soliq tushumlari undirilishi bilan bog‘liq masalalar muhokama qilinib, mas’ullarga muhim topshiriqlar berildi.
Yig‘ilishda Soliq qo‘mitasi raisining buyrug‘iga ko‘ra, Ruzimamatov Maxmud Muxiddinovich Oqdaryo tuman soliq inspeksiyasi boshlig‘i vazifasini bajaruvchi etib tayinlangani keng jamoaga ma’lum qilindi.
M.Ruzimamatov 1987-yil Pastdarg‘om tumanida tug‘ilgan.
Bunga qadar Pastdarg‘om tumani soliq inspeksiyasi boshlig‘ining o‘rinbosari vazifasida faoliyat olib borgan.