#Ehson
🔵 Ezgu niyatlar bilan duoga qo‘l ochildi

Oqdaryo tumanida 2025-yil paxta hosili uchun yerga chigit ekish ishlari boshlanishi munosabati bilan bugun erta tongda tumanidagi aziz avliyolar dafn etilgan “Mahdumi A’zam” ziyoratgohida tuman hokimi Sherzod Qudratov, nuroniy otaxonlar, hokim o‘rinbosarlari hamda qishloq xo‘jaligi soha mutasaddilari jam bo‘lishdi. Yig‘ilganlar ishtirokida ehson uchun qo‘y so‘yilib, o‘tganlar haqiga qur’on va salovatlar o‘qildi. Allohdan yurtimizga tinchlik-omonlik, rizq-ro‘zimiz bo‘lmish dehqonchiligu chorvachilikka baraka hamda tumanimiz bundanda gullab-yashnashini so‘rab duolar qilindi.