45-maktabning qo‘shimcha 120 o‘rinli yangi binosi foydalanishga topshirildi

🎗Bugun 45-IDUMda  2024-yil "Tashabbusli budjet" loyihasining 1-mavsumida g‘olib bo‘lib, 1 milliard 360 million so‘m mablag‘ hisobiga qad rostlagan 120 o‘rinli qo‘shimcha yangi maktab binosini foydalanishga topshirilishi munosabati bilan ochilish marosimi o‘tkazildi. 
Tadbirda Oqdaryo tuman hokimi Sherzod Qudratov ishtirok etib, yaratilayotgan ushbu zamonaviy o‘quv binolari o‘quvchi yoshlarning munosib shart-sharoitlarda ta’lim-tarbiya olishi yo‘lida amalga oshirilayotgan islohotlarning yorqin dalili ekanligini ta’kidladi. 
Ishtirokchilar yangi binoda o‘quvchilar uchun yaratilgan shart-sharoitlar bilan yaqindan tanishdilar.