“Kuz-qish mavsumi shtabi” mas’ullariga muhim topshiriqlar berildi

Bugun Oqdaryo tuman hokimi Sherzod Qudratov tuman sektor rahbarlari ishtirokida kuz-qish mavsumini betalofat o‘tkazish hamda vujudga kelgan muammolarni o‘z vaqtida bartaraf etish maqsadida tuman hokimligida tashkil etilgan "Kuz-qish mavsumi shtabi"da shtab a’zolari bilan uchrashib, dolzarb masalalar yuzasidan muhokama olib bordi. Unda elektr-energiya, tabiiy gaz va ichimlik suvi ta’minotida yuzaga kelishi mumkin bo‘lgan muammolarni oldini olish, energiya resurslaridan tejamkorlik bilan foydalanish choralarini ko‘rish, ijtimoiy soha obyektlarini issiqlik holati bo‘yicha doimiy nazorat olib borish, yo‘llarni qor va muzlamalardan tozalash, tashkilotlarda uzluksiz navbatchilikni tashkil etish, aholi o‘rtasida yong‘in xavfsizligi va favqulodda holatlarni oldini olish bo‘yicha targ‘ibot tadbirlarini kuchaytirish borasida mas’ullarga muhim topshiriq va ko‘rsatmalar berildi.