⚡️Dolzarb masalalar yuzasidan vazifalar belgilab olindi

Bugun Oqdaryo tuman hokimligida tuman hokimi Sherzod Qudratov rahbarligida hokim o‘rinbosarlari, hokimlik apparat xodimlari va tegishli tashkilot rahbarlari ishtirokida dolzarb masalalar yuzasidan muhokama o‘tkazildi. Muhokama davomida ijro intizomi, maktablarda o‘quvchilarni ikkinchi xorijiy til va kasb-hunarga o‘rgatish jarayoni bo‘yicha olib borilayotgan ishlar yuzasidan o‘rganish olib borish, Alisher Navoiy va Zahiriddin Muhammad Bobur tavallud ayyomlarini ko‘tarinki ruhda o‘tkazilishini ta’minlash va bu borada joylarda ma’naviy-ma’rifiy tadbirlarni tashkil etish,  “Kambag‘allikdan farovonlik sari” dasturini amalga oshirish kabi masalalar muhokama etilib, mas’ullarga muhim topshiriqlar berildi.