25-may - "So‘nggi qo‘ng‘iroq" tadbiri tumandagi 32-umumta’lim maktabida ko‘tarinki kayfiyatda o‘tkazildi

🛎Bugun 25-may “So‘nggi qo‘ng‘iroq” tadbiri bilimga chanqoq, beg‘ubor orzular qanotidagi yoshlar va mehridaryo ustozlar, farzandlari kamolini  ko‘rib quvonayotgan ota-onalar va nabiralariga oq yo‘l tilab, duo qilayotgan otaxon-u onaxonlarimiz uchun chin ma’nodagi bayramdir!

Bugun tumanimizdagi 32-maktabda o‘tkazilgan “So‘nggi qo‘ng‘iroq” tadbirida Oqdaryo tuman hokimining birinchi o‘rinbosari Elyor Ashurov ishtirok etib, yig‘ilganlarni ushbu unutilmas kun bilan tabriklashdi hamda faol o‘qituvchi va o‘quvchilarga maqtov yorlig‘i hamda tashakkurnomalarni topshirdilar.