Xorijlik ijodkorlar Oqdaryoda bo‘lishdi

"Uzbekistan's Literature and Art Bridge" - O‘zbekistonni dunyo adabiyoti va san’ati bilan bog‘lovchi "Mitti ko‘prik" dasturi doirasida dunyoning o‘ndan ortiq mamlakatidan, to‘rt qit’a-yetti iqlimidan ijodkorlar Oqdaryo tumaniga tashrif buyurdilar. Tashrifning ilk manzili tuman madaniyat uyida tashkil etilgan "Oqdaryo folklor ansambili"ning konsert dasturi bo‘ldi. So‘ngra mehmonlar madaniyat uyida tashkil etilgan "Yangi ovoz yoshlar multimedia markazi" faoliyati bilan tanishdi. Kunning muhim sanalgan jihati O'zbekiston Yozuvchilar Uyushmasi a'zosi Oygul Mamatovaning xonadonida xorijiy ijodkorlar bilan bir gulxan atrofida mushoira o'tkazildi. Mushoirada xorijiy ijodkorlardan she'rlar tinglandi va "She'ryuraklar" ijodiy klubining maxsus sovg‘alari topshirildi.