Saylovga tayyorgarlik ko‘rish bo‘yicha seminar-treninglar davom etmoqda

🔖  Ma’lumki, joriy yilning 27-oktabr kuni O‘zbekistonda Oliy Majlis Qonunchilik palatasi va mahalliy kengashlar deputatlari saylovlari bo‘lib o‘tadi. Shu munosabat bilan Oqdaryo pedagogika kollejida saylovga tayyorgarlik ko‘rish bo‘yicha tuman uchastka saylov komissiyalari raisi, rais o‘rinbosari va kotibligiga nomzodlarni o‘qitish bo‘yicha o‘quv-seminar treninglar navbatdagi guruh tinglovchilari uchun davom etmoqda. 
Bugungi seminar avvalida tuman hokimi Sherzod Qudratov, Respublikadan biriktirilgan trener Toshkent davlat yuridik universiteti professori Olim Narzullayev hamda tuman sektor rahbarlari ishtirok etib, mazkur seminardan ko‘zlangan maqsad va vazifalar haqida tushunchalar berib o‘tishdi va o‘quv jarayonlarini muvaffaqiyatli topshirishda omad tilashdi. 
Har bir guruh tinglovchilari uchun 3 kun davom etadigan  seminar-treninglarda trenerlar tomonidan ishtirokchilarga saylovga tegishli bo‘lgan huquqiy bilim va ko‘nikmalar beriladi va seminar yakunida tinglovchilar egallagan bilimlari asosida test sinovidan o‘tkaziladi.