Oqdaryolik o‘qituvchi “Shuhrat” medali bilan taqdirlandi

Davlatimiz rahbarining "O‘qituvchi va murabbiylar kuni munosabati bilan ta’lim-tarbiya tizimida alohida o‘rnak ko‘rsatgan xodimlardan bir guruhini mukofotlash to‘g‘risida"gi farmoniga ko‘ra Oqdaryo tumanidagi 22-umumiy o‘rta ta’lim maktabining nemis tili fani o‘qituvchisi Nurmamatova Charos Kurbonovna "Shuhrat" medali bilan taqdirlandi.
Bugun Oqdaryo tumani hokimi Sherzod Qudratov, viloyat hokimi o‘rinbosari Husan Tuxtayev, viloyat maktabgacha va maktab ta’limi boshqarmasi boshlig‘i Shaxzod Eshonqulovlar mohir pedagog Ch.Nurmamatova xonadoniga borib, “1-oktabr – O‘qituvchilar va murabbiylar kuni” bayrami bilan qutlagan holda “Shuhrat” medalini sovg‘a-salomlar bilan topshirishdi.
Charos Nurmamatova ko‘p yillik samarali mehnati, tashabbuskorligi hamda kelajak avlodni tarbiyalashda fidokorligi bilan tumanimizda hurmat-e’tiborga sazovor bo‘lgan o‘qituvchilardan sanaladi.

Oqdaryo tuman hokimligi axborot xizmati