OQDARYODA MAKTABGACHA TA’LIM TIZIMIDAGI MUAMMOLARNI BARTARAF ETISH YUZASIDAN YIG‘ILISH O‘TKAZILDI

 ⚡️ Oqdaryo tumanida viloyat hokimi o‘rinbosari H.To‘xtayev, viloyat Maktabgacha va maktab ta’limi boshqarmasi boshlig‘i o‘rinbosari Z.Jo‘rayev, tuman hokimi o‘rinbosari hamda ta’lim mas’ullari ishtirokida yig‘ilish bo‘lib o‘tdi.

Unda hududdagi maktabgacha ta’lim tashkilotlarida sog‘lom ovqatlantirishni tashkil etish,ish hujjatlarining yuritilishi, ta’lim tashkilotlarida tarbiyalanuvchilar uchun yaratilgan shart-sharoitlar yuzasidan viloyat hokimligi ishchi guruhining xulosalari tahlil qilinib, aniqlangan kamchiliklarni bartaraf etish bo‘yicha mas’ullarga qat’iy vazifalar berildi.  

Shuningdek, qamrab olinmagan 6 yoshli bolalarni 2024-2025-o‘quv yilida qamrovini tashkil etish bo‘yicha ishlar ahvoli, oilaviy nodavlat MTTlariga metodik ko‘maklashish, “Bolalar bog‘chasi” axborot tizimida guruhlashni tashkil etish va boshqa masalalar bo‘yicha vazifalar belgilab olindi.