Ochiq va samarali uchrashuv

Oliy Majlis Qonunchilik palatasi deputatligiga 29-Samarqand saylov okrugidan nomzod Azamat Pardayev Oqdaryo tumanida saylovoldi tashviqoti uchrashuvlarini o‘tkazdi.

Tuman pedagogika kolleji, informatika va axborot texnologiyalariga ixtisoslashtirilgan 47-IDUM va tuman markaziy poliklinikasida tashkil etilgan uchrashuvlarda 200 dan ortiq saylovchilar bilan dildan suhbatlashildi.

Nomzod tomonidan “Milliy tiklanish” demokratik partiyasining “Qadriyatlarga tayangan taraqqiyot!” shiori ostida saylovoldi dasturida ko‘zda tutilgan asosiy g‘oya va tashabbuslarning mamlakatimizda amalga oshirilayotgan tub islohotlar bilan hamohangligi, Vatan taraqqiyoti yo‘lida ko‘p ming yillik qadriyatlarga tayanish ustuvorlik kasb etishi to‘g‘risida batafsil ma’lumot berildi.

Uchrashuvlarda saylovchilar o‘z hududlarida, mehnat faoliyati davomida duch kelayotgan muammolari yuzasidan fikr-mulohazalar bildirib, o‘zlarini qiziqtirgan savollarga nomzoddan tegishli javoblar olishdi.