FAXRIYLAR TAQDIRLANDI

Kecha Samarqand viloyat xokimligining faollar zalida 68 nafar keksa avlod vakillari "Mehnat faxriysi" ko‘krak nishoni bilan taqdirlandilar. Mukofotlarni  "Nuroniy" jamg‘armasi Respublika boshqaruvi raisi, senator, O‘zbekiston Qahramoni Sodiqjon Turdiyev, "Nuroniy" jamg‘armasi Respublika boshqaruvi raisining birinchi o‘rinbosari Sharof Ubaydullayev, viloyat hokimining birinchi o‘rinbosari Feruz Abilov, "Nuroniy" jamg‘armasi viloyat bo‘limi raisi Shuhrat Negmatovlar topshirdilar. 
Taqdirlanganlar orasida uch nafar tumandoshlarimizning borligi diqqatga sazovardir. Bular – sport faxriysi, o‘zining yetmish besh yoshini nishonlayotgan Burxon Umirov birinchi darajali, gazetamiz bosh muharriri Yo‘lchi Muhammadiyev ikkinchi darajali va Sug‘onchi qishlog‘ida yashovchi muhnat faxriysi O‘zbekxon Ismatov uchinchi darajali "Mehnat faxriysi" ko‘krak nishoni bilan taqdirlandilar. Barcha tumandoshlarimiz nomidan yuqorida nomlari keltirilgan insonlarni muborakbod etamiz!