Bayramga munosib tuhfa

Xabaringiz bor, tumanimizning Mustaqillik mahallasi Zarafshon ko‘chasida keng ko‘lamli ta’mirlash ishlari olib borilib, yo‘lga asfalt yotqizildi hamda yo‘l chetiga beton ariq va piyodalar yo‘lakchasi qurilib, aholiga qulayliklar yaratildi.
Bugun tumanimizda yurtimiz mustaqilligining 33 yilligi bayram shodiyonalari nishonlanayotgan kunda mazkur yo‘lning foydalanishga topshirilishi tumanimiz ahliga bayramona sovg‘a bo‘ldi.
Tadbirda tuman hokimi Sherzod Qudratov, sektor rahbarlari, mahalla faollari va oqsaqollaridan iborat keng jamoatchilik ishtirok etishdi.