Avazali mahallasida sayyor qabul bo‘lib o‘tdi

Bugun Avazali mahallasida Oqdaryo tuman prokurori A.Vaxabov hamda Xalq qabulxonasi mudiri  T.Murtazayevlar tomonidan tadbirkorlar hamda mahalla fuqarolari bilan sayyor qabul o‘tkazildi.

Uchrashuv davomida joylarda faoliyat olib borayotgan tadbirkorlik subyektlari faoliyati, ularni qo‘llab-quvvatlash, ishlab chiqarish va xizmatlar ko‘rsatish hajmlarini yanada oshirish borasida amalga oshirilayotgan ishlar holati muhokama etilib, tadbirkorlarni muammo va takliflari tinglandi.

Shuningdek, uchrashuvda O‘zbekiston Respublikasi Prezidentining 2023-yil 16-fevral kundagi 57-sonli qarorida ko‘rsatilgan qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari to‘g‘risidagi qarori ijrosini ta'minlash maqsadida tadbirkorlarga quyosh panellari o‘rnatish bo‘yicha berilayotgan imtiyozlar haqida to‘xtalib o‘tildi.