Oqdaryo tumanida Ishonch do‘konlar tarmog‘ining yangi filiali ochildi

Bugun Oqdaryo tumanida Ishonch do‘konlar tarmog‘ining yangi 120-filiali ochildi. Do‘konning tantanali ochilish marosimida Oqdaryo tuman hokimi Sherzod Qudratov hamda keng jamoatchilik vakillari ishtirok etishdi. Yangi filial ochilishi bilan bu yerda 20 ta yangi ish o‘rinlari yaratildi va oqdaryolik yoshlarning bir qismi bu yerga ishga joylashdi. 
Do‘konning savdo peshtaxtalari inson mehnatini yengillashtiradigan, kundalik hayotda qo‘llaniladigan mahsulotlar bilan to‘ldirilgan bo‘lib, bular 7000 dan ortiq mahsulot: maishiy texnikalar, sport anjomlari, mebellar, santexnika mahsulotlari, qurilish materiallari va bolalar uchun mahsulotlar. Nafaqadagi shaxslar va byudjet tashkilotlari xodimlari mahsulotlarni o‘zlari uchun qulay muddatga bo‘lib to‘lash sharti bilan xarid qilish imkoniyatiga ega bo‘ladi (3 oydan 1 yilgacha).