Nuroniylarimiz paxta terimiga borishdi

Bugun Oqdaryo tuman bosh imom xatibi Nasrulloxon Islomov boshchiligida bir guruh nuroniylar 2-sektor “Dahbed” MMTP hududidagi “Iqbol” fermer xo‘jaligi dalasiga paxta yig‘im-terimi hashariga borishdi. Nuroniylarimiz mo‘l-hosil uchun shukronalar aytishib, hosilni terib olishda paxtakorlarimizga kuch-g‘ayrat tilab, duolar qilishdi va terim ishlarida o‘z hissalarini qo‘shdilar. Tushlik vaqtida 2-sektor rahbari tuman prokurori Azizbek Vaxabov paxta hosilini nes-nobud qilmay terib olishda jonbozlik ko‘rsatayotgan terimchilarga, fermer xo‘jaligi mexanizatorlari va ishchilariga minnatdorchilik bildirib, faol terimchilarni esdalik sovg‘alari bilan rag‘batlantirdi.