“Yangiqo‘rg‘on obod servis” MSK o‘z faoliyatini boshladi

Bugun Yangiqo‘rg‘on mahallasida “Yangiqo‘rg‘on obod servis” MSK (mahalla servis kompaniyasi) faoliyati yo‘lga qo‘yilishi munosabati bilan ochilish marosimi bo‘lib o‘tdi. Tadbirda Oqdaryo tuman hokimining o‘rinbosari U.Islamov, Mahallalar uyushmasi tuman bo‘limi boshlig‘i X.Davronov, Yangiqo‘rg‘on mahalla faollari, nuroniy otaxonlar va faol xotin-qizlari ishtirok etishib, MSK shart-sharoitlari va moddiy texnika bazasi bilan yaqindan tanishishdi. 
Mazkur kompaniya obodonlashtirish, elektrik, santexnik, bog‘bon, payvandchi, duradgor  kabi ishchi xodimlarga va moddiy texnik bazaga ega bo‘lib, Yangiqo‘rg‘on mahallasida obodonlashtirish va kommunal muammolarni hal etishga xizmat qiladi.