Yangiobod mahallasi faollari bilan uchrashuv o‘tkazildi

Bugun Oqdaryo tuman hokimi o‘rinbosari Y.O‘roqova, Mahallalar uyushmasi tuman bo‘limi boshlig‘i X.Davronov hamda "Nuroniy" jamg‘armasi tuman bo‘limi boshlig‘i H.Qarshiyevlar Yangiobod mahallasi “Yettiligi” va faol nuroniylari bilan uchrashib, muhim masalalar yuzasidan targ‘ibot olib borishdi. Uchrashuv davomida kadastr, soliq, xavfsiz mahalla va boshqa masalalardagi qonun va qarorlarning mazmun-mohiyati tushuntirildi. Shuningdek, mahalla “Yettiligi” va oqsoqollar hamkorligida dolzarb masalalarni mahalla hududida hal etish, oilaviy munosabatlar, ajrim yoqasidagi oilalar bilan birgalikda ish olib borish, aholi xonadonlari va ko‘chalarni obodonlashtirish holatiga doimiy e’tiborda bo‘lish kabi masalalar muhokama etilib, fikr-mulohazalar almashildi.