#Tayinlov
Oqdaryo tumani Favqulodda vaziyatlar bo‘limiga yangi rahbar tayinlandi

O‘zbekiston Respublikasi Favqulodda vaziyatlar vazirining tegishli buyrug‘iga asosan mayor Namazov Ilxom Alimovich Samarqand viloyati  Favqulodda vaziyatlar boshqarmasi Oqdaryo tuman Favqulodda vaziyatlar bo‘limi boshlig‘i lavozimiga tayinlandi.
I.Namazov 1990-yil Surxondaryo viloyati Termiz tumanida tug‘ilgan, ma’lumoti oliy, 2016-yilda IIV Yong‘in xavfsizligi oliy texnik maktabini tamomlagan. Bunga qadar, Surxondaryo viloyati Termiz tumani Favqulodda vaziyatlar bo‘limi boshlig‘ining o‘rinbosari – Profilaktika va nazorat bo‘linmasi boshlig‘i lavozimida ishlab kelgan.
Namazov Ilxom Alimovichga yangi mas’uliyatli vazifada mustahkam salomatlik, kuch-g‘ayrat, shijoat va ulkan zafarlar tilaymiz.

Oqdaryo tuman hokimligi axborot xizmati