Sodir etilgan qotillik jinoyati keng jamoatchilik vakillari ishtirokida muhokama etildi
 
Yaqinda Oqdaryo tumanining Istiqlol mahallasida kelishmovchilik sababli er o‘z turmush o‘rtog‘ini joniga qasd qilib, mudhish jinoyatga qo‘l urdi. Mazkur ayanchli voqelik yuzasidan bugun Oqdaryo tuman hokimligi, jamoatchilik vakillari va mahalla mutasaddilari ishtirokida muhokama yig‘ilishi o‘tkazildi. Unda viloyati IIB boshligʻi polkovnik Rahmat Mamatov ishtirok etib, ro‘y bergan jinoyatni keltirib chiqargan sabablar, bu kabi salbiy holatlarni oldini olish borasida so‘z yuritdi. Shuningdek, sodir etilgan jinoyat tanqidiy muhokama etilib, bunday holatlarda beparvolikka berilmay yoshi ulug‘larning o‘gitlarini targ‘ib qilish, oqila ayollar notinch oilalar bilan ishlashda faol bo‘lishi zarurligi qayd etildi. Muhokama yig‘ilishida mahalla yettiligi faoliyatida sustkashlikka yo‘l qo‘yilganligi aytilib, endilikda ishni hamkorlikda to‘g‘ri tashkil etish yuzasidan ko‘rsatmalar berildi.