Rasmiy munosabat:  Boshdarxonda jamoat ehtiyojlari uchun olib quyiladigan obyektlar uchun kompensatsiya to‘lovlari amalga oshiriladi

Joriy yilning 28-iyul kuni YouTube ijtimoiy tarmog‘idagi “HAQIQAT OVOZI” kanalida “Tadbirkorni sindirish uchun xufyona tadbir o‘tkaziladimi?” sarlavhasi ostida Oqdaryo tumani “Bosh darxon” MFYda hududida faoliyat yuritayotgan tadbirkorlarga hokimiyat vakillari tomonidan turli bosimlar bo‘layotgani talqinida video lavha e’lon qilindi.
Mazkur holat yuzasidan quyidagilarni ma’lum qilamiz.
 O‘zbekiston Respublikasi Prezidentining 2023-yil 20-iyuldagi “Samarqand shahrida “Shirin” zamonaviy ishbilarmonlik markazi va turar joylar kompleksni barpo etish chora-tadbirlari to‘g‘risida”gi PQ-233-sonli qarori ijrosini ta’minlash maqsadida Xalq deputatalari Oqdaryo tuman Kengashining 2023-yil 27-dekabrdagi “Samarqand viloyati Oqdaryo tumanining ma’muriy-hududiy chegaralarini o‘zgartirish masalasini ko‘rib chiqish to‘g‘risida”gi VI-98-176-7-92-Q/23-sonli qarorlari hamda Xalq deputatlari Samarqand viloyati Kengashining 2024-yil 2-iyuldagi “Jamoat ehtiyojlari uchun yer uchastkalarini olib qo‘yish bo‘yicha taqdimot materiallarini ko‘rib chiqish va mulkdorlar bilan ochiq muhokama o‘tkazishga ruxsat berish to‘g‘risida”gi VI-100-64-7-0-Q/24-sonli qarori va Oqdaryo tuman hokimining 2024-yil 6-apreldagi 01-34-sonli xatida Oqdaryo tumanining Po‘latdarxon mahallasi va Boshdarxon mahallasi hududidan “Shirin” massivi bosh rejasi asosida keng ko‘lamli qurilish va obodonlashtirish ishlarini amalga oshrilishi yuzasidan 713 ta jismoniy va yuridik shaxslarga tegishli bo‘lgan turar va noturar bino inshootlar va yer maydonlari buzilishi rejalashtirilgan.
Buzilishga tushgan hududda joylashgan fuqarolarga tegishli bo‘lgan uy-joylar, shu jumladan, mulkdorlarga tegishli turar va noturar joy obyektlarini O‘zbekiston Respublikasi Vazirlar Mahkamasining 2019-yil 16-noyabrdagi 911-sonli qarori bilan tasdiqlangan “Davlat va jamoat ehtiyojlari uchun yer uchastkalarining olib qo‘yilishi munosabati bilan fuqarolarga va yuridik shaxslarga yetkazilgan zararlarni qoplash tartibi to‘g‘risida”gi Nizomning 62-bandiga asosan mulkdor va tashabbuskor o‘rtasida jamoat ehtiyojlari uchun olib quyilgan obektlar uchun kompensatsiya to‘lovlari amalga oshirilishini ma’lum qilamiz.
Ushbu masalada Oqdaryo tuman hokimligi tomonidan biron bir qonun buzilishiga yo‘l qo‘yilmasligini va har bir xatti-harakat yuqori turuvchi idoralarining qaroriga asosan olib borilishini ma’lum qilamiz.

Oqdaryo tuman hokimligi axborot xizmati