Pichoqchi mahallasida “Hokim va yoshlar uchrashuvi” o‘tkazildi

Yoshlar bilan ishlash, ularni muammolarini o‘rganish va tizimli hal etib, ko‘maklashish maqsadida Oqdaryo tuman hokimi tomonidan joylarda yoshlar bilan uchrashuv, muloqotlar o‘tkazib kelinmoqda. Ana shunday uchrashuvlardan biri bugun Pichoqchi mahallasida o‘tkazildi. Bugungi tadbirda mahalla yoshlari, yoshlar bo‘yicha mas’ullar hamda tumandagi barcha mahalla yoshlar yetakchilari ishtirok etishdi.  Uchrashuvda yoshlar hokim bilan samimiy muloqotda bo‘lishib, o‘zlarini qiynab kelayotgan masalalar bilan murojaat qilishdi. Murojaatlarni ijobiy hal etish uchun vazifalar belgilab olindi.
Tadbir yakunida tuman rahbari yoshlarimiz erishayotgan yutuqlarni e’tirof etib, yoshlar yetakchilariga tashakkurnoma hamda mahalladagi yoshlar kutubxonalari uchun badiiy adabiyotlar to‘plamini topshirdi.