Oqdaryo tuman Tibbiyot birlashmasi rahbari hurmat va ehtirom bilan kuzatildi

Bugun Oqdaryo tuman hokimligida tuman hokimi Sherzod Qudratov, viloyat Sog‘liqni saqlash boshqarmasi boshlig‘i Suxrob Zayniyev, tuman tibbiyot birlashmasi xodimlari hamda tegishli tashkilot mas’ullari ishtirokida tumanda tibbiyot sohasida amalga oshirilayotgan islohotlar va kelgusi vazifalar muhokama etildi. Uchrashuv davomida sohada samarali faoliyat yuritib kelayotgan bir guruh tibbiyot xodimlariga tashakkurnomalar topshirildi. Shuningdek, Tibbiyot birlashmasi rahbari Shavkat Jabborovning xohishiga ko‘ra kelgusida ilmiy ish bilan shug‘ullanish istagi inobatga olinib, tumanda tibbiyot sohasida ko‘rsatgan samarali faoliyati uchun minnatdorchilik bildirildi va to‘n kiydirilib, hurmat va ehtirom bilan kuzatildi.