Onalar va bolalar salomatligi borasidagi ishlar muhokama etildi

Bugun Oqdaryo tuman hokimining o‘rinbosari Ch.Ortiqova, tuman tibbiyot birlashmasi rahbari Sh.Jabborov hamda birlashmaning mas’ul xodimlari ishtirokida tumanda 5 oy mobaynida onalar va bolalar o‘limini oldini olish yuzasidan amalga oshirilgan ishlar yuzasidan tanqidiy tahliliy muhokama yig‘ilishi o‘tkazdi.
Yig‘ilishda sog‘liqni saqlash tizimining birlamchi bo'g‘inida onalar va bolalar o‘rtasida kasalliklar profilaktikasi, barvaqt aniqlash, skrining tekshiruvlari, tug‘ma va irsiy kasalliklar profilaktikasi, sog‘lom oilani shakllantirish, bolalar o‘limi va tug‘ma nogironlikning oldini olishdek muhim vazifalar tanqidiy muhokama etilib, kamchiliklarga yo‘l qo‘ygan mas’ullarga nisbatan intizomiy choralar ko'rish bo'yicha ogohlantirishlar berildi.

Zero, Muhtaram prezidentimiz aytganidek “Har bir ona va bola o‘limi “favqulodda holat” deb baholanadi.”