Navbatdagi uchrashuv Yangiqo‘rg‘on mahallasi faollari bilan o‘tkazildi

Bugun Oqdaryo tuman hokimi o‘rinbosari Y.O‘roqova, Mahallalar uyushmasi tuman bo‘limi boshlig‘i X.Davronov hamda "Nuroniy" jamg‘armasi tuman bo‘limi boshlig‘i H.Qarshiyevlar Yangiqo‘rg‘on mahallasi “Yettiligi” va faol nuroniylari bilan uchrashib, muhim masalalar yuzasidan targ‘ibot olib borishdi. Uchrashuv davomida mahalla hududi ko‘zdan kechirildi. Fuqarolar bilan uchrashilib, xonadonlar, ko‘chalar obodligi borasida targ‘ibot ishlari olib borildi.
Shuningdek, mahalla “Yettiligi” va oqsoqollar hamkorligida dolzarb masalalarni mahalla hududida hal etish, oilaviy munosabatlar, ajrim yoqasidagi oilalar bilan birgalikda ish olib borish, aholi xonadonlari va ko‘chalarni obodonlashtirish holatiga doimiy e’tiborda bo‘lish kabi masalalar muhokama etilib, fikr-mulohazalar almashildi.