KUZ QISH MAVSUMI BO‘YICHA TRANSFORMATOR PUNKTLARI TA’MIRLANMOQDA

Oqdaryo tuman elektr ta’minoti tomonidan joriy yil uchun belgilangan rejaga asosan past kuchlanishli elektr uzatish tarmoqlari hamda transformator punktlarida joriy va mukammal ta’mirlash ishlari olib borilmoqda.
Xususan, Yangiqurg‘on ustachilik bo‘limi xodimlari tumanning Oytamg‘ali, Galaravot mahallalarida 4280-4780-4114 transformator punktida mukammal ta’mirlash ishlari bajarildi.
Ta’mirlash davomida transformator punktining estetik holatini yaxshilash, undagi nosoz elektr uskunalarini yangilash, qaytadan to‘liq montaj qilish, fazalararo yuklamani teng taqsimlash, moy sathini meyor darajaga yetkazish ishlari amalga oshirildi.
Bu kabi ishlarning olib borilishi natijasida elektr energiyasining tarmoqlarda yo‘qolishining oldi olinib, uning uzluksizligi va sifati yanada yaxshilanadi.
Ayni kunlarda boshqa hududlarda ham elektr uzatish tarmoqlarini ta’mirlash ishlari davom etmoqda.✅