Kambag‘al oilalar bilan ishlash borasida muhim topshiriqlar berildi

Bugun Oqdaryo tuman hokimi Sherzod Qudratov hokim o‘rinbosarlari hamda tegishli mas’ullar bilan uchrashib, joriy yil 11-sentabr kuni Prezident Shavkat Mirziyoyev raisligida mahallalarda kambag‘allikni qisqartirish, kambag‘al oilalar bilan ishlash tizimini yangi bosqichga olib chiqish chora-tadbirlari yuzasidan o‘tkazilgan videoselektor yig‘ilishida berilgan topshiriqlar ijrosini ta’minlash masalalari muhokama etildi. Muhokama davomida kambag‘al oilalar bilan ishlash, ularga amaliy yordamlar ko‘rsatish, bandligini ta’minlash, kasbga o‘qitish, imkoniyatlarini o‘rganib, tadbirkorlikka jalb etish borasida sohalar kesimida bajarilishi lozim bo‘lgan vazifalar belgilab olinib, mas’ullarga muhim topshiriqlar berildi.