JAHOLATGA QARSHI MA’RIFAT BILAN KURASHISH DAVLATIMIZNING INSONPARVARLIK SIYOSATI

Bugun Boshdarxon mahallasida viloyat hokimining Jamoat va diniy tashkilotlar bilan aloqalar bo‘yicha o‘rinbosari Bobur Karimov, DIQ viloyat hududiy boshqarmasi rahbari Soxibnazar Boymurodov hamda Oqdaryo tumani hokimi o‘rinbosarlari ishtirokida mahalla faollari bilan  hamkorlikda "Jaholatga qarshi ma’rifat", "Mehr oqibatli bo'laylik" mavzularida ma’naviy-ma’rifiy targ'ibot tadbiri tashkil qilindi. Tadbir tashkilotchilari bugungi kunda mamlakatimizdagi tinchlik-osoyishtalikning ahamiyati, vatanparvarlik, xalqqa muhabbat va sadoqat tuyg‘usi bilan yashaydigan barkamol avlodni tarbiyalash, yosh avlodni zararli, yot g‘oyalardan asrash, milliy an’ana va urf-odatlarni saqlash hamda rivojlantirish orqali do‘stlik, hamjihatlikni ta’minlash va kiyinish madaniyati xususida tushunchalar berishdi.