45 nafar tinglovchilarga sertifikatlar topshirildi

Yevropa Ittifoqi va Germaniya Iqtisodiy hamkorlik va taraqqiyot federal vazirligi tomonidan moliyalashtirilgan "Fuqarolik jamiyati ishtiroki orqali hududlarda gender islohotlariga ko‘maklashish" loyihasi doirasida  faoliyat yuritib kelayotgan "SABR" Respublika ijtimoiy-iqtisodiy rivojlanish markazi tomonidan Oqdaryo tumani Mustaqillik mahallasida "Sartaroshlik", "Tikuvchilik", "Qandolatchilik", "Kompyuter savodxonligi" yo'nalishlarida 2-oylik qisqa muddatli kasbiy kurslar tashkil etilgan. Bugun mazkur kurslarni tugatgan ishsiz xotin-qizlardan 45 nafar tinglovchilarga sohaga oid bilim va amaliy mahorat egallaganliklari uchun Sertifikatlar topshirildi. 
Sertifikatlarni topshirish marosimida “SABR” RIIRM direktori M.Shirinova, tuman Oila va xotin-qizlar bo‘limi va markaz xodimlari hamda “Mustaqillik” MFY yettiligi ishtirok etishdi.