Махсус имкониятлар
Пахта даласида теримчиларга концерт қўйилди
Бугун Оқдарё туман прокурори Д.Кубаев раҳбарлигидаги 2-сектор ҳудуди Р.Ҳамроев массивидаги “САРДОРБЕК ҲОСИЛИ” ва “САБОПОЛВОН ХМЗ” фермер хўжаликлари пахта даласида чинаккам байрам бўлди десак, муболаға бўлмайди. Иккала фермер биргаликда ушбу далаларда пахта тераётган 43, 44, 46- терим отрядларининг 180 дан ортиқ теримчилари учун дошқозонда ош дамлаб, дастурхон тузашди.
Тушлик чоғида терим отрядларининг илғор теримчиларига туман ҳокими ва туман прокурори томонидан совға-саломлар топширилди. Қолган теримчиларга озиқ-овқат махсулотлари тарқатилди.
Учрашувда туман ҳокими Феруз Абилов туманимиз пахта хирмонига заҳматли меҳнатлари билан улкан ҳисса қўшаётгаликлари учун барча теримчиларга ўз миннатдорчилигини билдириб, раҳмат айтди.
Теримчиларимизга хуш-кайфият бағишлаш ниятида туман маданият бўлими томонидан концерт дастури намойиш этилди. Айниқса, таниқли эстрада хонандалари Ваҳобиддин Баҳриев ҳамда Эркин Қайтаровларнинг ташрифи теримчиларни янада хурсанд этди. Улар томонидан ижро этилган куй-қўшиқларга теримчилар рақс тушишиб, ўз хурсандчиликларини намоён этишди.
Оқдарё туман ҳокимлиги ахборот хизмати
