Махсус имкониятлар
MAKTABGACHA TA’LIM TASHKILOTLARIGA QAMROB KO’RSATKICHI 77 FOIZGA YETDI
Oqdaryo tumanidagi mavjud 35 ta mahalla fuqarolar yig‘inida maktabgacha ta’lim yoshidagi 3-7 yoshli bolalar 13608 nafarni tashkil etadi. Hozirgi kunda tuman maktabgacha ta’lim bo‘limi tasarrufida jami 172 ta maktabgacha ta’lim tashkilotlari jumladan: 28 ta davlat, 1 ta xususiy, 8 ta davlat-xususiy sheriklik asosidagi va 135 ta oilaviy nodavlat maktabgacha ta’lim tashkilotlari faoliyat ko‘rsatib kelmoqda. Tumanimizdagi barcha mahalla fuqarolar yig’inlarida maktabgacha ta’lim tashkilotlari faoliyati yo’lga qo’yilgan. Hozirda maktabgacha ta’lim tashkilotlariga 10285 nafar bolalar qamrab olingan bo‘lib, qamrov ko‘rsatkichi 77 foizni tashkil etadi. 2021 yil yakuniga qadar qamrov ko‘rsatkichini 80% ga yetkazish rejalashtirib, bu bo‘yicha qat’iy chora-tadbirlar belgilangan, yo‘l xaritalari ishlab chiqilgan va qamrovni oshirish bo‘yicha ishlar amalga oshirilmoqda.
Maktabgacha ta’lim vazirligi bilan yana 35 nafar tashabbuskor tadbirkorlar o’rtasida oilaviy nodavlat maktabgacha ta’lim tashkilotlarini tashkil etish uchun bitim tuzildi. Natijada 1425 nafar 3-7 yoshli bolalar sifatli maktabgacha ta’lim bilan qamrab olinishiga erishildi hamda tumanimiz xotin-qizlari uchun 114 ta yangi ish o’rinlari yaratildi.
Oqdaryo tuman hokimligi axborot xizmati
